E dhunuara e Giggs: Kërkonte marrëdhënie seksuale gjithë kohës, nuk mundesha më

Detaje të reja tronditëse dalin në dritë në lidhje me dhunën që ka ushtruar një nga njerëzit më të dashur të futbollit në Manchester dhe Uells, Ryan Giggs. Dalëngadalë miti i figurës së dashur po bie dhe po del në sipërfaqe ajo e një njeriu të dhunshëm që me gjestet e tij po eklipson edhe famën.

Ish-mesfushori që po gjykohet për dhunë ndaj ish të fejuarës Kate Greville, akuzohet se i ka përplasur kokën 38-vjeçares, e cila rrëfen në gjyq se goditja ishte shumë e fortë dhe çarja e madhe aq sa mund të nuhaste edhe erën e gjakut të saj.

Mediat britanike zbardhin një pjesë të dëshmisë së saj që vijon si më poshtë;

“Isha e shokuar, nuk arrija ta kuptoja se çfarë po ndodhte por kur gjaku më rrodhi në fytyrë ndjeva erën dhe shijen e tij”.

Përpara se t’i përplaste kokën, 38-vjeçarja po mblidhte plaçkat për t’u larguar nga shtëpia për shkak të dhunës së të fejuarit dhe faktit që ai kërkonte të kryente marrëdhënie seksuale gjatë gjithë kohës.  

“Nuk e kisha parë asnjëherë më parë kaq shumë të zemëruar edhe pse nuk ishte hera e parë që grindeshim. Në 1 nëntor të vitit 2020 kur më sulmoi, ishte ndryshe nga herët e tjera sepse e kuptova që këtë herë donte të më bënte shumë keq”.

capturepng

3png

2png

1png