Soreca takim me Metën në Presidencë, Kryemadhi me ambasadorin britanik
Ambasadori i Bashkimit Europian, Luigi Soreca, zhvilloi sot një takim me kreun e Shtetit Ilir Meta në Presidencë.
Nuk dihen arsyet e kësaj vizite, por vlen të theksohet se takimi vjen në nisje të sesionit të ri politik dhe para mbledhjes së Këshillit Politik për kodin e ri zgjedhor.
Ndërkohë kryetarja e LSI-së ka zhvilluar një takim me ambasadorin britanik Duncan Norman.
Në tryezën e diskutimeve të Këshillit Politik janë dy çështje të nxehta për diskutim, implementimi i ndryshimeve kushtetuese në kodin e ri zgjedhor dhe koalicionet parazgjedhore.