Sherr me thika në Skrapar, dy të rinj nisen me helikopter drejt Tiranës. Shpallet në kërkim autori
Një konflikt i çastit në Skrapar u bë shkak për plagosjen e dy të rinjve të cilët janë qëlluar me thikë.
Policia dhe dëshmitarët thanë se Xhoni Memollari 33-vjeç, ka goditur me mjet prerës Albi Çelën 20-vjeç, dhe Eridian Myftari 22-vjeç.
Ngjarja ka ndodhur në tregun e Skraparit rreth orës 12:00 të së shtunës, ndërsa autori është larguar menjëherë nga vendi i ngjarjes.
Të dy të rinjtë janë transportuar me helikopter drejt Spitalit të Traumës, ndërsa mësohet se të dy kanë marrë dëmtime të rënda.
Nuk dihen rrethanat e ngjarjes së rëndë, ndërsa policia ka njoftuar se po punohet për të kapur autorin e dyshuar.