Gazetari Naim Sinani bën me dije se po jepen fare pak informacione të asaj që po negociohet mes LSDM dhe BDI.

Sinani në një intervistë për Ora News, tha se LSDM ka mohuar një mundësi që kryeministri të jetë shqiptar.

Ai shtoi se po negociohet që së paku një vit në pozitën e kryeministrit të Maqedonisë së Veriut të vendoset një shqiptar.

Naim Sinani: Ka qenë premtim parazgjedhor për postin e kryeministrit nga BDI. Po jepen fare pak informacione të asaj që po negociohet mes LSDM dhe BDI. LSDM ka mohuar një mundësi që kryeministri të jetë shqiptar, madje presidenti ka mandatar Zaevin për kryeministrin dhe pritet që ai të sigurojë shumicës. Sigurisht, kjo rrugë kalon nga blloqet shqiptare në vend, pasi BDI ka 15 mandate.

Nuk prite tnjë këmbëngulje e BDI-së për postin e kryeministrit dhe kjo pritet që të ketë një ndikim te elektorati, pasi zgjedhjet do të mbahen pas 4 vitesh. BDI duket se mund të heqë dorë nga pozicioni i kryeministrit, ose të paktën ta marrë për një vit këtë post. Pretendohet që Zaev të jetë kryeministër për 3 vite dhe kandidati shqiptar të jetë një vit kryeministër, por nuk ka pasur sinjale nga LSDM për një gjë të tillë.

Marrja e këtij posti nuk ka të bëjë me pozitën e shqiptarëve, por vetëm po diskutohet posti në qeveri. Është propozuar edhe për ndryshimin e himnit, sepse ky i fundit flet vetëm për maqedonasit, jo për shqiptarët. Partitë e tjera shqiptare që kanë 12 deputetë dhe që janë në opozitë, nuk janë pjesë në negociata me Zaev dhe presion epilogun  dialogut BDI-LSDM. Ata presin që BDI ta mbajë premtimin sepse i ka siguruar fitoren në vend.