Shpërthen Rudina Hajdari: Ndaleni këtë seancë të turpshme që po u bëni shqiptarëve. Bllokon foltoren

Shpërthen Rudina Hajdari: Ndaleni këtë seancë të

Deputetja Rudina Hajdari është parë shumë e nervozuar gjatë fjalës së saj në foltoren e Parlamentit.

Sipas saj, seanca që është duke u zhvilluar duhet ndalur pasi sipas saj, është një akt i turpshëm karshi shqiptarëve.

Rudina Hajdari: Ju garantoj që këtë muaj shtator nuk kam reshtur duke iu takuar dhe duke marrë mendimet tuaja, dhe unë sot flas për ata shqiptarë që janë treguar shumë të të mençur se ata që kam takuar në këtë sallë. Ata e dinë shumë mirë që në këtë sallë ka vetëm mashtrime, këtu bëhen vetëm pazare, e dinë që kur kjo seancë përfundon, shumica ulen dhe bëjnë pazare dhe e shesin veten si patriot.

Ka qenë kjo sallë plenare ku në 1992 i premtuar shqiptarëve që do të dënoni krimet e komunizmit, i mashtruat se nuk i bëtë, po unë jam me ata që janë të zhgënjyer se ju nuk e bëtë këtë, ka qenë kjo sallë ku ju u thatë shqiptarëve futini lekët në firma piramidale dhe e çuat vendit në tmerret më të mëdha që kanë kaluar, jam me ata që janë të zhgënjyer se ju i mashtruat ka qenë kjo sallë në 1998 se do ua ktheni lekët që do ua ktheni lekët e humbura në firmat piramidale.

Ka qenë kjo sallë prej 30 vitesh që u ka thënë shqiptarëve që në 2001 që do futeni në BE, sot është 2020 dhe ja ku jemi sot. Sot shqiptarët po ikin me kamion në Angli dhe Hollandë. Ka qenë kjo sallë se nuk do impononi plehra dhe në fund miratoni ligjin.

Urdhëro votën parapëlqyese, por në fund do e vendos unë. Mos u hiqni si patriot sikur e doni këtë vend, ju bëj thirrje reflektoni, ndaleni këtë seancë të turpshme që iu bëni qytetarëve, se jemi këtu për ata dhe jo për t'iu një grup njerëzish. Hapni listat se Kodi Zgjedhor ndryshohet një herë jo sa herë keni qejf ju, jepini mundësinë shqiptarëve të votojnë atë që duan, të ikin në kosh plehra. reflektoni deputetë, ndaloni këtë seancë dhe mos u bëni pjesë e këtij aktrimi të shëmtuar, çfarë do bëj, nuk e lë foltoren".

Më pas deputetes iu ndërpre fjala nga kryetari i Kuvendit, i cili i kërkoi edhe lirimin e foltores por Hajdari u shpreh se nuk lëviz pa u ndalur më parë seanca.

Seanca e sotme parlamentare pritet të votojë Kodin e ri Zgjedhor, i cili vjen jo në konsensus me opozitën jashtë parlamentit.

Vendi Lajme Politikë Lajmi i fundit kodi zgjedhor parlament rudina hajdari Aktualitet

EMISIONET