Pa ilaçe për sëmundjen e rrallë, 60 raste të diagnostikuar në Tiranë, vetëm 30 doza medikamentesh

60 persona në Tiranë vuajnë nga një sëmundje e rrallë e quajtur Angioedema Hereditare.

Silvana Bastri, drejtore e Shoqatës së këtyre pacientëve në Shqipëri, tha se numri i medikamenteve që shpëton jetë është i pamjaftueshëm.

30 doza Rukonest ka në dispozicion spitali Nënë Tereza, por një personi mund ti nevojiten më shumë se dy të tilla.

"Nëse një person merr 6 copë në vit, mendoni për 60 veta e dalin 30 copë?"

Një tjetër shqetësim që Basri trajtoi është mungesa e informacionit sesa është numri i pacientëve në gjithë Shqipërinë.

"Tirana ka 60 pacientë që janë diagnostikuar por në nivel kombëtar nuk kemi numër të saktë të pacientëve që janë diagnostikuar. Jemi të shqetësuar për këtë fakt."

Dy persona kanë humbur jetën, njëri prej të cilëve u trajtua sikur të ishte me apandasit.

"Kemi dy raste humbje jete, rasti në Tiranë i një 23-vjeçari në shkurt të këtij viti, i cili humbi jetën nga një edemë në rrugët aspiratore dhe një rast tjetër para disa vitesh nga mosdiagnostikimi në Korçë. Ka vdekur në sallën e operimit duke u diagnostikuar nga padituria e mjekëve atje si apandasit akut".

Angioedema Hereditare është një sëmundje e shkaktuar nga mungesa e proteinës në gjak.

Të rrezikuarit prej saj janë të gjithë grupmoshat.

Ajo trashëgohet nga prindi te fëmija por edhe ndër breza.

EMISIONET