I ftuar në emisionin ”Ekopolitikë” në ”RTV Ora” nga gazetari Besart Kadia, ish-deputeti dhe kreu i LZHK Dashamir Shehi, tha se ka dëgjuar nga kryedemokrati Basha, se kur të vijë në pushtet, do kufizojë mandatin e kryeminstrit në 2 të tilla.

Sipas tij, kjo është një garanci politike, e cila duhet për të vënë tullat e shtetit.

Dashamir Shehi: ”Unë kam dëgjuar nga Basha që ka thënë se ditën që do të vijë në qeveri,  do të vejë me ligj që më shumë se dy mandate, kryeministër nuk ka. Ky është një akt demokratik, një akt shtetformues. Ky na jep garanci politike, e cila duhet për të vënë tullat e shtetit. Pse është e qetë Amerika? Sepse edhe në rastin kur ka një president të turbulluar si ky i sotmi, e di që në rastin më të keq, më shumë se 8 vjet nuk do ta durojë një të marrë. Ky është një sinjal për burrë shteti. Këtë quaj të rëndësishme unë.”