Rruga drejt 25 prillit, Kryemadhi: LSI synon votat e çdo shqiptari që kërkon ndryshim!
Kryetarja e LSI, Monika Kryemadhi në “Tempora” ka thënë se Lëvizja Socialiste për Integrim synon votat e të gjithë shqiptarëve që kërkojnë ndryshim, votat e të rinjve dhe të rejave.
Kryemadhi ka vijuar më tej duke thënë se vendi ynë ka vetëm disa oligarkë, që nuk i lënë të rinjtë të provojnë veten.
Kryemadhi: LSI synon votat e çdo shqiptari që kërkon ndryshim, votat e çdo shqiptari që kërkon të t’i kthehen fëmijët që i kanë në emigracion, votën e çdo të riu dhe të reje që synon të ardhmen e tij në Shqipëri dhe të paguhet si një bashkëmoshatar i tij në Europë, votën e çdo gjimnazisti dhe studenti që kërkon programet “Mëso dhe fito” që vetëm ne nuk i kemi, sepse këtu ka vetëm pesë oligarkë. Nuk mund të shkosh të provosh veten tënde. Janë grabitësit kryesorë të taksave. Mjafton vetëm të rishikosh TVSH, kush përfiton nga rimbursimi i TVSH dhe kush paguan. Unë nuk di asnjë qytetar që e blen shishen e ujit dhe ti rimbursohet TVSH-ja. Unë shikoj vetëm oligarkë që grabisin në një vit, që ia nxorri Prokuroria 123 milionë euro të grabitura.
-Jeni e gatshme ti përballni?
Unë jam përballur me to dhe jam një ndër politikanët e rallë që iu kam përmendur emra. Harxhojnë shumë para kundër LSI dhe njerëzve të saj. Disa për t’i intimiduar, disa për t’i korruptuar, disa për t’i dëmtuar. Baza e LSI nuk i konsideron fare, sepse punon me shpatullat e veta, nuk punon në administratë. Oligarkët paguajnë dreka dhe darka me joshje ambasadorët dhe trupë diplomatikë, por këtu votojnë shqiptarët dhe jo ambasadorët, as oligarkës, as ministret.