Kufizimi i orarit për të ushtruar aktivitetin konsiderohet si një hap drejt falimentit prej biznesit të vogël e të mesëm. Edhe pse e pranojnë si masë kufizuese për pandeminë, ata kërkojnë nga qeveria heqjen e tarifave vendore dhe miratimin e paketave të ndihmës.

Shoqata e biznesit të vogël dhe të mesëm i konsideron të gabuara dhe të nxituara masat kufizuese të vendosura nga qeveria këtë të enjte.

Bujar Muço, nënkryetar i kësaj shoqate shprehet se prej 1 viti kur dhe nisi emergjenca shëndetësore nga qeveria kanë marrë vetëm lëmoshë.

“U dha për biznesin 26000 mijë lek të vjetra për biznesit për çdo të  punësuar thashë  lëmoshë sepse po atë kohë  bizneset paguanin sigurimet 8000 mijë  lekë.”

Mbyllja e aktiviteti në orën 20 rrezikon t’i çojë drejt falimentimit.

“Biznesi orët e pikut i ka në darkë kur shtohen aktivitetet dhe që  ka një  farë xhiro e ka në  darkë,  duke e kufizuar këtë  orar duke e lë në orën dhjetë  ta sjellë  në  orën tetë  e kufizon normën e fitimit.  Ne mezi po mbaheshim në  orën dhjetë,  po ta kufizosh në  orën tetë  do të  thotë  falimentim.”

Pagesën e taksave vendore edhe gjatë pandemisë e konsiderojnë një rëndesë të madhe, ndaj kërkojnë rishikimin.

“Qeveria duhet të  na ndihmonte me sasi më të më dha për sa i përket paketave financiare duhet të bënte  një  bashkëpunim me pushtetin lokal për sa i përket taksave dhe tarifave që  kemi në  pushtetin lokal biznesi i vogël dhe i mesëm dihet që  70% taksa i ka nga pushteti lokal neve rrinim pa punë, nuk ushtronim aktivitetin pushteti lokali kërkonte taksat sigurimin, ndriçimin, gjelbërimin.”

Shoqata kërkon ngritjen e një Këshilli Kombëtar për arritjen e një përfundimi që t’i vijë në ndihmë krizës me të cilën po përballen bizneset.