Rreth 50 kg drogë dhe mbi 160 mijë euro, dy shqiptarë të arrestuar në Itali

Rreth 50 kg drogë dhe mbi 160 mijë euro, dy shqiptarë të

Katër të arrestuar gjatë një operacioni anti-drogë ku u zbuluan 44.5 kilogramë lëndë narkotike dhe mbi 163,000 euro të fshehura në shtëpi.

Operacioni u zhvillua ditën e djeshme nga Policia e Shtetit Modena, ku në pranga ranë edhe dy shqiptarë, një 24-vjeçar dhe një 36-vjeçar.

Së bashku me ta u arrestuan edhe dy gra moldave, rreth 20 vjeçare, raporton Ora News.

Operacioni u zhvillua në Vignola, në zonën e Modena, ku disa u raportuan lëvizje të dyshimta në një shtëpi.

Aty agjentët gjetën dy gratë e reja dhe 6.5 kg kokainë dhe 2.500 euro para të fshehura në grilat e dritareve.

Me mbështetjen e Policisë Vendore dhe njësisë së qenve, u gjetën edhe 38 kg hashash, të fshehura brenda një qese.

Më pas, agjentët u zhvendosën në shtëpinë e të riut të dytë të arrestuar, në Spilamberto, gjithashtu në zonën e Modena, ku u gjendën 161 mijë euro, përcjell Ora News.

Sipas mediave italiane, për dy shqiptarët u dha masa e sigurisë "arrest me burg", ndërsa dy moldavet do të hetohen në gjendje të lirë.

Vendi Lajme itali policia Kronike droge shqiptaret Aktualitet

EMISIONET