Rama banorit të Xhafzotaj: Nga nesër maska me detyrim kur del jashtë
Të parët që kanë marrë këshillën e kryeministrit Rama për të mbajtur maskë që në momentin kur del nga shtëpia nga dita e nesërme kanë qenë banorët e Xhafzotaj në Shijak. Rama zhvilloi një takim me banorët në kuadër të projektit për rindërtimin e banesave të shkatërruar nga tërmeti i 26 Nëntorit në 2019.
Gjatë vëzhgimit të banesave të reja, Kryeministri nuk kurseu as batutat me banorët, ku njërit prej tyre i drejtohet se shtëpinë e re e ka nga shteti dhe se në këtë mënyrë është duke përfituar drejtpërdrejtë.
"Për ty paska qenë kjo botë! Shpinë e kishe nga baba, të renë e ke nga shteti. Kur do bësh shpinë ti? Apo ti je për të përfituar nga baba e nga shteti. Mirë jemi, por nga nesër maskat me detyrim kur del jashtë".
Ndërkohë në postim kryeministri shprehet se banesat e reja nuk kanë krahasim me të parat, ndërsa përfundon me shprehjen "qentë le të lehin karvani do të ecë më shpejt përpara".