Sekuestrohen 1.7 milion euro dhe 9 automjete në Kosovë

Sekuestrohen 1.7 milion euro dhe 9 automjete në Kosovë

Prokuroria Speciale e Kosovës, ditën e sotme ka sekuestruar 1.7 milion euro kesh, 9 mjete si dhe ka ngrirë 700 mijë euro të tjera.

Sipas mediave të Kosovës, bën me dije se tashmë po hetohen 24 persona për veprën penale të pjesëmarrjes ose organizmit të një grupi kriminal.

Njoftimi i policisë:

Kryeprokurori i Prokurorisë Speciale të Republikës së Kosovës, Blerim Isufaj, ka mbajtur sot takimin e radhës me ekipin e përbashkët për përzgjedhjen dhe shënjestrimin e Krimeve të Rënda ku kanë shënjestruar një (1) rast të ri të koduar si “Thirrjet”.

Prokuroria Speciale njofton se në rastin e shënjestruar si “Thirrjet”, ku janë të përfshirë njëzetekatër (24) persona për veprën penale “Pjesëmarrja ose organizimi i grupit kriminal të organizuar” nga neni 277 lidhur me veprën penale “Mashtrimi” nga neni 323 paragrafi 4 lidhur me paragrafin 1 të KPRK-së.

Gjithashtu, nga shënjestrimi i këtij rasti janë ngrirë rreth shtatëqindmijë (700.000) euro, si dhe janë sekuestruar njëmilioneshtatëqindmijë (1.700.000) euro kesh dhe nëntë (9) vetura.

EMISIONET