Kurti replikon me Vuçiç në OKB: Pretendime të rreme nga shteti që kreu gjenocidin e fundit të shekullit të shkuar

Kryeministri i Kosovës, Albin Kurti e nisi fjalën e tij para OKB-së duke i cilësuar si “të rreme” pretendimet për shkelje të të drejtave të njeriut ndaj serbëve që jetojnë në Kosovë.

Në takimin ku i pranishëm ishte edhe Vuçiç, Kurti tha se këto akuza po bëhen nga një shtet, që sipas tij, ka qeverisje autoritare.

“Të gjitha këto janë pretendime të rrejshme të persekutimeve nga një vend që është i njohur që ka kryer gjenocidin e fundit të shekullit 20.

Kosova doli nga lufta si simbol i luftës për dinjitet dhe triumf i të drejtave të njeriut.

Nuk kemi qenë të trishtuar, kemi ndërtuar vetën në një shoqëri shumëertnike dhe shumëkulturore me një shtet që sheh përpara dhe është solid demokratik.

Çerekshekulli pas luftës qëndrojmë krenarë si Republikë për të gjithë, shoqëri shumëetnike për të gjithë.

Me krenari themi që e zbatojmë Kushtetutën me masat më të larta të mbrojtjes së të drejtave të pakicave, 20 ulëse të garantuara në parlament nga 120 në total, prej të cilave 10 janë të serbëve veçanërisht.

Serbët në Kosovë kanë po ashtu 10 nga 38 komunat në Kosovë. Gjuha serbe është gjithkund gjuhë zyrtare”, tha Albin Kurti.