Kurti i përgjigjet Ramës për 'Teoritë konspirative': Rruga e vetme drejt Evropës procesi i Berlinit, jo “Ballkan i Hapur”
Kryeministri i Kosovës Albin Kurti në një konferencë për shtyp i është përgjigjur Kryeministrit Edi Rama, i cili pak më parë tha se Kosova po krijon teori konspirative për nismën “Ballkan i Hapur”.
Kreu i qeverisë së Kosovës, u shpreh se nuk e di se për cilën teori e ka fjalën, ndërkohë shtoi se procesi i Berlinit është i nevojshëm dhe i mjaftueshëm për të ndjekur rrugën drejt integrimit evropian.
Pyetje: Si i përgjigjeni Kryeministri edi Rama I cili tha se Kosova krijon teori konspirative në lidhje me pjesëmarrjen e Open Ballkan?
Kurti: Unë nuk e di për çfarë teori konspiracioni është fjala këtu, a e keni pyetur për cilën teori? Unë nuk e di për cilën teori bëhet fjalë, por po tregojë qëndrimin tim, që procesi i Berlinit është i nevojshëm dhe i mjaftueshëm për rrugëtimin evropian dhe nuk ka nevojë për variante të tjera. Ballkani jo që nuk është tre shtet por as gjashtë shtete.
-
Kurti: Ja çfarë diskutova me Angela Merkel, pati mospajtime
14 Shtator, 16:45
Sipas Kurtit dallimi mes procesit të ‘Berlinit’ dhe të ‘Ballkanit të Hapur’ është se në të dytën se kemi BE-në
Kurti: Ballkani është së paku 12 shtete. Ballkani Perëndimor me këto 6 shtete ka procesin e Berlinit. Pasnesër do të kemi takim me qeverinë e Maqedonisë së veriut në Shkup dhe jemi për marrëdhënie bilaterale. Mirëpo iniciativat rajonale nuk besoj se duhet të bëhen pa BE-në brenda. Dallimi mes procesit të Berlinit dhe të Ballkanit të hapur është se në të dytën se kemi BE-në.
Kurti duke iu referuar Ramës thotë se nuk duhet të shprehim mirëkuptimin e Serbisë për mosnjohjen e Kosovës.
Kurti: Duhet të theksuar se Republika e Kosovës është një shtet i pavarur për të cilën të gjithë ne duhet të angazhohemi pavarësisht pozitës që kemi dhe kudo që ndodhemi njohjen e Kosovës, dhe jo të shprehim mirëkuptim ndaj Serbisë për mosnjohjen e saj. Çfarëdo lloj mirëkuptimi për Serbinë për mos njohjen e Kosovës i kushton Kosovës.