“Hajde të identifikosh të dyshuarin”, si u fut në kurth burri vrasës, po planifikonte arratisjen drejt Turqisë

“Hajde të identifikosh të dyshuarin”, si u fut në

Hetuesit grekë kanë pasur prej kohësh dyshimet se 32-vjeçari është autori i vrasjes së bashkëshortes së tij Caroline në shtëpinë e tyre.

Newsbomb.gr shkruan se ai kishte dhënë deklarata kontradiktore në lidhje me mënyrën si u futën grabitësit në shtëpinë e tyre dhe karakteristikat e dhëna për autorët e dyshuar të grabitjes.

Analiza e orës biometrike të Carolinës tregoi se të dhënat e paraqitura nga 32-vjeçari ishin në kontrast të plotë me atë që ishte regjistruar.

Informacionet e fundit të mediave greke tregojnë se policia ka prova të forta se 32-vjeçari po planifikonte të arratisej drejt Turqisë dhe kjo qe arsyeja pse e ata e morën me helikopter duke e futur "në grackë" me ftesën për të dëshmuar për natën e krimit të rëndë.

Newsbomb.gr ka zbardhur disa kontradikta të gjetur nga hetuesit grekë:

E para: Të dhënat nga telefoni celular i 32-vjeçarit "treguan" se ai, megjithëse kishte pohuar se ishte i lidhur nga grabitësit, po bënte thirrje të rregullta.

E dyta: Megjithëse ai kishte pohuar se gjatë orëve në fjalë, para mbërritjes së grabitësve në shtëpi, ai ishte në gjumë, aplikacioni Fitness që kishte shkarkuar për të matur hapat dhe kaloritë që dogji gjatë ditës tregoi se ishte në lëvizje.

E treta: Ora biometrike e nënës 20-vjeçare tregoi kohën reale të vdekjes së saj, e cila nuk përkonte me atë që kishte dëshmuar Babis Anagnostopulos.

E katërta: 32-vjeçari nuk kishte përgjigje bindëse lidhur me atë se si arriti të lirohej nga litarët me të cilët e kishin lidhur grabitësit dhe më në fund të thërriste vetë Policinë.

E pesta: Sipas rezultateve të analizës teknike në regjistruesin e kamerës, ekziston një mospërputhje. 32-vjeçari në dëshminë e tij ka dhënë një kohë specifike kur autorët largohen nga shtëpia dhe një kohë specifike kur ata heqin kartën. Sidoqoftë, këto orë nuk duket se pajtohen me të dhënat laboratorike, pasi gjithçka tregon se karta ishte hequr 4 ose 5 orë para se grabitësit e pretenduar të hynin në shtëpi.

E gjashta: Nga analiza duket se në orën 12 të natës ka një shkëmbim mesazhesh mes çiftit, të cilat tregojnë se mund të ketë pasur ndonjë çështje debati  midis 32-vjeçt dhe gruas së tij.

Ka mbiemra dhe përshkrime në anglisht, siç është fjala "budalla" në mesazhet e fundit të dërguara nga Caroline, me policinë që heton më tej pse u përdorën këto shprehje.

E shtata: Një pyetje që  mundoi autoritetet dhe ekzaminuesit mjekësorë ishte ajo që pretendon 32-vjeçari për gjendjen e ët fiktit, domethënë se ai ishte pa ndjenja për të paktën një orë. Të gjithë shkencëtarët bien dakord që nëse episodi i humbjes së ndjenjave do të zgjaste 45 minuta ose edhe një orë, siç pretendonte 32-vjeçari, atëherë ishte e sigurt që kjo do të çonte në dëmtime të trurit apo edhe vdekje. Atëherë, si u rikuperua 32-vjeçari? Si është e mundur që ai të ishte plotësisht i qartë ndërsa ishte pa ndjenja për kaq shumë kohë?

Sipas informacionit më të fundit, megjithëse policia ka prova të forta, Anagnostopulos ende nuk ka rrëfyer vrasjen e gruas së tij , me policinë që i bën presion, duke i paraqitur vazhdimisht të gjitha kontradiktat për të cilat ai ka rënë dhe nuk ka absolutisht asnjë përgjigje, shkruan Newsbomb.

EMISIONET