Autori i masakrës së Cetinjës u vra nga 5 plumba, vijojnë hetimet

Autori i masakrës së Cetinjës u vra nga 5 plumba, vijojnë

Policia malazeze ka publikuar kronologjinë e masakrës së ndodhur pasditen e 12 gushtit 2022 në Cetinjë të Malit të Zi.

Kishin qenë disa qytetarë të cilët kishin njoftuar për të shtënat me armë në  lagjen Medovina rreth orës 15:15 minuta.

Në momentin kur policia shkoi në vendin e ngjarjes dëgjoi të shtëna, britma dhe zhurmë.

Në momentin kur pa policët autori Vuk Boriloviç qëlloi drejt tyre dhe këta të fundit iu kundërpërgjigjën.

“Oficeri i policisë ka qëlluar 20 plumba drejt autorit” thuhet në deklaratën e policisë.

Gjatë shkëmbimit të armëve u plagos dhe një polic.  Policia është treguar e rezervuar për të dhënë shkakun e kësaj tragjedie ndërsa nga autopsia mësohet se Borilovic është qëlluar nga të paktën 5 plumba.

Ndërkohë që është hapur një hetim për të mësuar se kush e qëlloi autorin e masakrës që vrau 10 persona dhe 6 të tjerë i plagosi.

Prokurorja që drejton hetimet, Andrijana Nastic deklaroi dje se autori është ekzekutuar nga një qytetar.

Fillimisht Boriloviç ekzekutoi dy fëmijët dhe nënën e tyre që jetonin në shtëpië e tij më pas me armën e tij të gjahut doli në rrugë dhe qëlloi pa dallim mbi qytetarët duke lënë të vdekur 10 persona ndërsa 6 të tjerë u plagosën.

Krimi ka tronditur Malin e Zi.

Kryeministri Dritan Abazovi përmes një postimi në Telegram ftoi qytetarët të solidarizohen me familjet e viktimave të pafajshme dhe të afërmit e tyre dhe të gjithë banorët e Cetinjës.

Qyteti i Cetinjës ka 14.000 banorë dhe ndodhet 36 km larg kryeqytetit Podgoricë.

EMISIONET