Pritjes i erdhi fundi, Gigi Hadid dhe Zayn Malik marrin në krahë vogëlushen e tyre
Modelja e njohur, Gigi Hadid, ka dhënë lajmin për ardhjen në jetë të vajzës së saj nëpërmjet një postimi në llogarinë e saj në Instagram.
“Vajza jonë u bashkua me ne në tokë këtë fundjavë dhe ajo tashmë ka ndryshuar botën tonë. Kam rënë në dashuri”, shkruan Gigi në Instagram.
Partneri Zayn ka publikuar një foto duke mbajtur dorën e vajzës, të shoqëruar me një dedikim për të bijën.
“Vajza jonë është këtu, e shëndetshme dhe e bukur, të provosh të shprehësh me fjalë se si po ndihem tani do të ishte një detyrë e pamundur. Dashuria që ndiej për këtë njeri të vogël është përtej kuptimit tim. Mirënjohës që e njoh dhe krenar për ta quajtur timen dhe mirënjohës për jetën që do të kemi së bashku”, ka shkruar këngëtari Zayn.
Mezi po presim që të mësojmë sesi do të quhet vogëlushja pasi çifti akoma nuk e ka zbuluar emrin e vajzës.