Zgjedhjet e 24-shtatorit në Kukës/ Basha pa kandidat në zgjedhje, por me 2 komisionerë

Gazetarja e Ora News, Mola Luku, në një lidhje të drejtpërdrejtë në edicionin e lajmeve të orës 11:00 nga KQZ ka dhënë detajet më të fundit sa i përket zgjedhjeve për kryetar të bashkisë që do të mbahen të dielën e ardhshme në Kukës.

"Partia demokratike e cila ka siglën dhe vulën edhe të drejtën e emrit të kësaj partie nuk do të shkojë në këto zgjedhje, por në KQZ ka pasur përplasje mes grupimit të Lulzim Bashës dhe Sali Berishës pasi ky i fundit edhe në momentin e regjistrimit të subjektit të tij zgjedhor ka tentuar që të regjistrohet nën logon dhe vulën e PD-së. Por, kjo nuk është pranuar nga KQZ. Përplasje ka pasur edhe për pjesën e kandidatëve pasi Basha e ka regjistruar PD-në, por nuk ka nxjerrë kandidat pasi dega e Kukësit është shprehur se nuk duan që të kenë garë mes demokratëve duke mbështetur Emri Vatën e Berishës", tha gazetarja Mola Luku.

Zgjedhjet për kryetar në Bashkinë Kukës vijë pas dorëheqjes së Safet Gjicit pas skandalit seksual me Alma K.

Kandidat për PS-në është Albert Halilaj ndërsa opozitën, Emri Vata.