Rritja e pagave, Ahmetaj: Qeveria po provokon në mënyrë pozitive sektorin privat

Deputeti Arben Ahmetaj ishte i pranishëm këtë të enjte në seancën plenare ku foli për reformën e rritjes së pagave.

Ai tha se kjo rritje është pozitive pasi kjo rritje do të provokojë rritje pagash edhe në sektorin privat.

Ahmetaj: Kur i referohemi një sfide shumë të madhe ekonomike, sfida ekonomike është te produktiviteti i kësaj ekonomie në mënyrë që paga e sektorit publik të ndiqet nga rritja e pagës së sektorit privat. Nëse në vitin 2025 paga mesatare në sektorin publik do jetë 900 euro në sektorin privat do jetë 600 euro.

Në 2013 fitueshmëria ka qenë 15 miliardë, sot është 48 miliardë. një sfidë për sektorin privat dhe për të gjithë kapitalin në sektorin privat që duhet të reflektojnë. Paga mesatare në ekonomi është rritur me 43 % fitueshmëria e sektorit privat është rritur 300%, të punësuarit meritojnë të fitojnë nga rritja ekonomike. Qeveria po provokon në mënyrë pozitive sektorin privat.