Mbrëmjen e sotme ka nisur për herë të parë emisioni “Politik ON” në RTV Ora, një emision i cili vjen nga gazetari i mirënjohur, Alfred Lela.

“Politik ON” do të jetë studio më e re e përballjeve politike çdo ditë të hënë dhe të enjte në orën 21:00.

Ashtu siç thotë edhe vetë Lela, dera do të jetë e hapur për miqtë dhe për armiqtë

“Të dashur miq dhe armiq ju përshëndes, mirë se vini në “Politik ON”, odën e re të përballjeve politike të mbrëmjes, ku nuk do të shpikim rrotën por do të flasim për ata që e vënë në lëvizje atë dhe që prodhojnë ngjarje. Do të flasim për të mos i lënë të ikin në drejtim të paditur me tepsinë dhe timonin duke na lënë ne të tjerëve rrotën dhe kazanin, do të shihemi çdo të hënë dhe të enjte në orën 21 këtu në radio televizionin “Ora”, jo për të qenë të mirë, por për të qenë të drejtë”, u shpreh Lela.