Sektori i ri i makinave të energjisë në Kinë vazhdon të rritet, duke e bërë vendin një udhëheqës botëror me prodhim që arrin në pothuajse gjysmën e totalit global.

Në shtator të këtij viti, sipas shifrave të fundit, vëllimi i shitjeve të këtij lloji të automjeteve në vendin aziatik u rrit me 67.7 për qind nga viti në vit, bën të ditur “Xinhua”.

Në Kinë, disa kompani të teknologjisë së lartë të internetit i janë bashkuar industrisë së automjeteve për të promovuar zhvillimin e integruar të automjeteve të reja të energjisë dhe automjeteve inteligjente.

Kështu, “Alibaba”, gjiganti kinez i internetit dhe prodhuesi kinez i automobilave “SAIC Motor” kanë zhvilluar së bashku sistemin operativ inteligjent të makinave “Banma”.