OFL vijon punën në Tiranë, kërkon vetëdeklarimin e 3 trafikantëve të drogës
Operacioni Forca e Ligjit ka vijuar me punën, teksa ditën e sotme u ka dërguar formularët e vetëdeklarimit tre trafikantëve të lëndëve narkotike në Tiranë.
Sipas njoftimit, “OFL i ka nisur kërkesat me shkrim për vetëdeklarimin e burimeve të pasurisë, shtetasve:
Gëzim Alimehmeti, banues në Tiranë, i dënuar për veprën penale “Trafikimi i narkotikëve”, mbetur në tentativë;
Artur Koleci (Çartis), banues në Tiranë, i dënuar për veprën penale “Trafikimi i narkotikëve”;
Edmond Shkalla, banues në Tiranë, i dënuar për veprën penale “Shfytëzimi i prostitucionit””
Të tre personat duhet t’i përgjigjen pyetjeve me shkrim në një periudhë kohore 48 orë. Më pas përgjigjet e marra do t’i dërgohen SPAK-ut për hetime të mëtejshme.