OBSH mbyll hetimet në Wuhan: Virusi nuk ka dalë nga laboratori

OBSH mbyll hetimet në Wuhan: Virusi nuk ka dalë nga laboratori

Ekipi ndërkombëtar i ekspertëve të OBSH-së, pas 4 javëve hetime në Wuhan, vendi që u konsiderua si origjina e shpërthimit të koronavirusi, kanë dalë në përfundimin se është “jashtëzakonisht e pamundur” që virusi të ketë dalë nga një laborator dhe kanë kërkuar që kjo teori të mos zhvillohet më tej.

Gjatë një konference të përbashkët shtypi me autoritetet kineze, udhëheqësi i ekipit të OBSH-së, tha se studimet e mëtejshme duhet të kryhen për të zbuluar nëse virusi është importuar në vend, ndoshta nga mishi i ngrirë i shitur në tregun në Ëuhan.

“Ekipi arriti në përfundimin se shpjegimi më i mundshëm është se virusi kaloi nga një kafshë tek një tjetër ndërmjetëse që ka rënë në kontakt të ngushtë me njerëzit, para se të bënte kalimin te njerëzit. Kafshët ndërmjetëse mund të përfshijnë produkte të ngrira ose të ftohta të kafshëve të shitura në tregjet në Wuhan, përfshirë ato të importuara nga jashtë“, tha ai.

Ndërsa teoria e dytë, më e mundshme, është që virusi u hodh drejtpërdrejt nga mbartësi i tij tek njerëzit dhe Dr Embarek i konsideroi lakuriqët e natës si një burim të mundshëm. Ai bëri thirrje që të kryhen më shumë kërkime në të dyja këto teori.

OBSH gjithashtu mbështeti pohimet e Pekinit se nuk ka prova të transmetimit në Wuhan ose diku tjetër në Kinë para dhjetorit të vitit 2019, pavarësisht provave se virusi po qarkullonte globalisht disa muaj më herët.

Shendetësi Lajme OBSh virusi Wuhan laborator

EMISIONET