Ulja e numrit të testimeve ka sjellë edhe më pak të infektuar në 24 orët e fundit. Ministria e Shëndetësisë raporton për 288 persona të prekur dhe 3 humbje jete. Për shkak të infektimeve në rritje, ministrja Manastirliu njofton hapjen e spitalit covid 3, i cili do të ketë kapacitet për trajtimin e 150 pacientëve.

Të hënën numri i të infektuarve me Covid shënoi ulje ashtu sikurse edhe numri i testimeve.

Sipas të dhënave të Ministrisë së Shëndetësisë në 24 orët e fundit u kryen 1 mijë e 304 testime nga të cilat rezultuan pozitiv 288 persona.

Një 50 vjeçar nga Lezha, një 56 vjeçare nga Tirana dhe një 88 vjeçar  nga Tropoja humbën jetën duke e çuar numrin e vdekjeve në 480.

Në spitalet covid numri i pacientëve të cilët kanë nevojë për trajtim të specializuar është rritur në 280.

Në këto kushte, ku numri i të infektuarve është në rritje dhe numri i shtretërve drejt ezaurimit, Ministrja e Shëndetësisë njoftoi hapjen e spitalit Covid 3 brenda kësaj jave.

Gjatë inspektimit të kësaj strukture së bashku me kryeministrin Rama, Ogerta Manastirliu tha se spitali i ri do të ketë 150 shtretër.

Nëse situata do të përkeqësohet Ministria e Shëndetësisë planifikon hapjen e një spitali të katërt në Tiranë por nëse do të jetë nevoja në shërbim të pacientëve do të vendosen edhe spitalet rajonale.

Ndërkohë policia njofton vendosjen e 644 gjobave ndaj qytetarëve që nuk respektuan vendosjen e maskës.

Rastet pozitive të konfirmuara në 24 orët e fundit janë identifikuar në këto bashki:

147 raste në Tiranë,

16 në Fier,

14 në Krujë, Gjirokastër,

13 në Durrës,

11 në Kavajë,

10 në Lushnje, Gramsh, Kuçovë

8 në Peqin,

7 në Elbasan,

4 në Shkodër, Kurbin,

3 në Tepelenë,

2 në Vlorë, Tropojë, Kamëz, Pogradec, Divjakë,

1 në Lezhë, Mirditë, Rrogozhinë, Berat, Dibër, Memaliaj, Skrapar.

COVID-19 – Statistika (26 Tetor 2020)

Raste të reja ditore                                          288

Të shëruar ne 24 orë                                      51

Të shtruar në spitale                                       280

Humbje jete në 24 orë                                  3

Testime ditore                                                  1304

Testime totale              118329

Raste pozitive                       19,445

Raste të shëruara               10,705

Raste Aktive                            8260

Humbje jete                            480

Shpërndarja gjeografike e rasteve aktive sipas qarqeve:

Tiranë          4247

Durrës           779

Fier                 535

Shkodër        498

Korçë            490

Lezhë            388

Elbasan         369

Vlorë             321

Berat             237

Kukës            184

Gjirokastër   119

Dibër                93