Policia sllovake qëllon mbi automjetet me klandestinë, plagoset gruaja siriane
Nga OraNews Përditësimi i fundit 9 Maj 2016, 22:56
Një emigrante siriane është plagosur teksa tentonte të hynte në Sllovaki. Policia sllovake hapi zjarr në hyrje të kufirit pranë qytetit Velki Merder.26 vjeçarja u dërgua menjëherë në spital, ku u desh ndërhyrja kirurgjikale për ti shpëtuar jetën.Zëdhënësja e policisë kufitare sllovake njoftoi se aksidenti ndodhi rreth mesnatës, kur 4 automjete tentuan të kalonin nga Hungaria në Sllovaki pa ndaluar në pikat e kontrollit.“ Oficerët kufitare urdhëruan 4 autmojete të ndalonin, 3 prej tyre e zbatuan urdhërin ndërsa njëra jo. Drejtuesi i mjetit kërkoi të devijonte duke vendosur në rrezik jetën e oficerëve. Në këtë moment oficerët qëlluan fillimisht në ajër e më pas shënjestruan gomat e makinës, por për fatin e keq njëri nga plumbat preku vajzën. Kur automjeti ndaloi zbuluam se në të ndodheshin emigrantë të paligjshëm “- u shpreh zëdhënësja e policisë kufitare sllovake, Patricia Macikova.“Është mizore që policia sllovake po qëllon mbi emigrantët e pafajshëm, të cilët i janë drejtuar Europës, pikërisht për ti shpëtuar plumbave”- deklaroi Andrew Strolein, Drejtori i Marrëdhënies me Median në organizatën e mbrojtjes së të drejtave të njeriut “ Human Rights Watch”.Mjekët konfirmojnë se 26-vjeçarja ka pasur plagë te dukshme në zonën e barkut dhe legenit, ndërsa shfaq probleme në veshka.Pas ndërhyrjes plumbi i është hequr nga trupi dhe aktualisht emigrantja siriane është në gjëndje të qëndrueshme.Ndërkohë që forcat e rendit arrestuan 6 trafikantë dhe 11 refugjatë të cilët po tentonin të kalonin në mënyrë të paligjshme nga Hungaria për në Sllovaki.
