Lufta e ISIS, zbulohen mbi 50 varre masive në Irak
Nga OraNews Përditësimi i fundit 7 Maj 2016, 17:50
Zbulohen mbi 50 varre masive në Irak. Sipas Kombeve të Bashkuara, varret janë gjetur në zonat që më parë kanë qenë të pushtuara nga Shteti Islamik. I fundit u zbulua në Ramadi me 40 viktima. OKB ka shprehur nevojën imediate për ndihma humanitare në këto zona.Mbi 50 varre masive të Shtetit Islamik janë gjetur në Irak.Lajmi është bërë i ditur nga një i deleguar i Kombeve të Bashkuara në këtë zonë.Jan Kubis raportoi në Këshillin e Sigurisë në OKB se janë gjetur shumë prova të krimeve makabre të kryera nga Shteti Islamik.Varret janë zbuluar muajt e fundit, në periudhën kur këto zona janë rimarë në kontroll nga forcat ushtarake irakiane.I fundit u zbulua në Ramadi, i cili përmbante trupat e 40 viktimave.Po ashtu janë gjetur trupa të vdekur edhe në Sinxhar në veri të Irakut dhe në qytetin e Tikrit.Viktimat përfshijnë fise vendasë, gra, ushtarë irakianë dhe persona të minoritetit jazidi.Varre masive janë gjetur edhe në Siri, në zonat e pushtuara nga militantët e Shtetit Islamik.“I dënoj me forcë vrasjet, pengmarrjet, përdhunimet e torturat që populli irakian po vuan vazhdimisht nga dora e Shtetit Islamik. Këto janë krime kundër njerëzimit, krime lufte dhe genocide”- u shpreh Kubis në Këshillin e Sigurisë në OKB.Ai shtoi se pavarësisht ndërhyrjes ushtarake dhe sulmeve ajrore, Shteti Islamik vijon të jetë mjaft i fuqishëm në Irak dhe Siri, duke i ndryshuar vazhimisht taktikat dhe strategjinë e sulmeve.Kubis tha se nevoja për ndihmë humanitare është imediate.Nga 861 milion dollarët që janë kërkuar për ndihmë humanitare në Irak, vetëm 1/3 e kësaj shumë është vendosur në dispozicion.
