Gjendja e ekonomisë dhe falimenti i Kurum rrisin me 1.2% kreditë me probleme
Nga OraNews Përditësimi i fundit 6 Maj 2016, 20:16
Kreditë me probleme u rritën sërish në tremujorin e parë të këtij viti, duke arritur në 18.9% ose 1.2% më shumë se fundi i vitit të kaluar, kur u bë edhe fshirja nga bilancet e bankave të kredive pa shpresë arkëtimi dhe që krijoi iluzionin e uljes së tyre. Ngadalësimi i ekonomisë dhe falimenti i kompanisë Kurum, që ka rreth 40 milionë euro kredi te bankat, vlerësohen se janë arsyet kryesore që kanë rritur nivelin e kredive të këqija.Bankat po përballen me rritjen e nivelit të kredive me probleme, që është edhe rreziku kryesor për kreditimin dhe gjendjen e sistemit bankar.Pas fshirjes nga bilancet të huave pa shpresë arkëtimi, gjë që krijoi edhe iluzionin se kreditë me probleme po uleshin, niveli tyre është rritur me ritme të shpejta në tremujorin e parë të këtij viti, duke prekur sipas Bankës së Shqipërisë 18.9% ose 1.2% më shumë se fundi i vitit 2015.Rritja e këtij treguesi dëshmon për gjendjen e vështirë financiare të bizneseve dhe qytetarëve, pasojë e ngadalësimit të rritjes ekonomike,që u pranua edhe nga Banka e Shqipërisë, uljes së konsumit dhe faktin që ndërmarjet po punojnë nën kapacitet.Nga ana tjetër, në rirtjen e kredive me probleme ka ndikuar edhe shpallja e falimentit nga kompania Kurum në shkurt të këtij viti, e cila vlerësohet të ketë marrë kredi pranë bankave rreth 40 milionë euro.ECURIA E KREDIVE ME PROBLEMEMars 2016 18.9%Ecuria 1.2% rritje
