Raporti i FMN: Shqipëria me rritjen më të ulët në rajon, por lë pas Serbinë
Nga OraNews Përditësimi i fundit 6 Maj 2016, 13:37
Ekonomia shqiptare do të ketë ritmin më të dobët të rritjes në rajon duke ngelur pas Maqedonisë dhe Malit të Zi.Në raportin e fundit për perspektivën ekonomike Fondi Monetar Ndërkombëtar i ka qëndruar paarashikimit për një rritje ekonomike prej 3.4 % për Shqipërinë gjatë 2016, pavarësisht se vetëm pak ditë parë Banka e Shqipërisë uli pritshmëritë për rritjen ekonomike nga 3.4 % në 3%.Fondi Monetar Ndërkombëtar i qëndron parashikimit për rritje ekonomike 3.4% këtë vit për Shqipërinë, duke mbështetur parashikimin e Qeverisë dhe duke qenë më optimiste se Banka e Shqipërisë dhe Banka Botërore për ecurinë e ekonomisë sonë.Në raportin e fundit mbi perspektivën e ekonomisë botërore, Fondi Monetar Ndërkombëtar vlerëson se rritja ekonomike e Shqipërisë do të përshpejtohet lehtë në 3.8% vitin e ardhshëm dhe në 4.1% në vitin 2017.Sipas FMN-së, Shqipëria ka një rritje ekonomike anemike krahasuar me vendet e tjera të rajonit. Ne lëmë pas vetëm Serbinë, ndërsa të gjithë vendet e tjera kanë një rritje më të lartë, si Maqedonia dhe Mali i Zi. Ndërsa Kosova parashikohet të ketë këtë vit rritje ekonomike prej 3.4% të njëjtë me atë të Shqipërisë.Edhe pse i qëndron objektivit të rritjes ekonomike FMN ka lënë detyra të qarta për Qeverinë shqiptare, ku prioriteti kryesor është stabiliteti i financave publike, ku në finale kërkohet ulja e nivelit të borxhit.Një politikë që sipas ekspertëve të ekonomisë mund të godasdë rritjen e ekonomisë reale, në kushtet kur do të arrihet nëpërmjet tkurrjes së shpenzimeve buxhetore, që janë edhe një ndër stimujt e rritjes.Ndërkohë ministria e Financave ka reaguar ndaj raportit duke theksuar se FMN konfirmoi se Shqipëria ka konsoliduar tashmë trendin e qendrueshem të rritjes. Sipas Financave, FMN thekson se raporti i pagës minimale ndaj pagës mesatare për vitin 2015 është mbi nivelin mesatar në Evropen Perëndimore. Gjithashtu risku i stabilitetit politik në mars 2016 është reduktuar kundrejt një viti më parë, ndërsa Shqipëria është përjashtuar nga grupi i vendeve që ekspozojnë hapësira për rritjen e borxhit të jashtëm.
