Taksat vendore, Bashkia u lë afat 3 muaj për pagesën bizneseve të reja
Nga OraNews Përditësimi i fundit 6 Maj 2016, 13:03
Bashkia e Tiranës shtyn nga 1 në 3 muaj afatin që kanë bizneset e reja për pagesën e taksave vendore. Nënkryetari i Bashkisë së Tiranës, Arbian Mazniku deklaroi gjatë një takimi me anëtarët e Dhomës Amerikane të Tregtisë se paralelisht po punohet edhe për lehtësimin e proçedurave administrative për të gjithë ata që duan të hapin një biznes.Bizneset e reja që do të operojnë në Tiranë do të t'iu lihet afat 3 muaj që të paguajnë taksat vendore nga 1 muaj që është afati ligjor i parashikuar deri më tani.Lajmi për këtë lehtësi për të gjithë sipërmarrësit e rinj u dha nga nënkryetari i Bashkisë së Tiranës, Arbian Mazniku gjatë një tryeze diskutimi me anëtarët e Dhomës Amerikane të Tregtisë.Mazniku premtoi lehtësi edhe të proçedurave për bizneset e reja, kërkesë kjo edhe e anëtarëve të Dhomës Amerikane.Artan Bozo: Një nga problematikat që është ngritur është në lidhje me dokumentat që kërkohen për regjistrimin e një biznesi të ri pranë Bashkisë. Ka një sërë dokumentash.Arbian Mazniku: Çështjen e bizneseve të reja në mbledhjen e ardhshme të Këshillit bashkiak me 15 kemi një vendim që e shtyn pagesën e taksave për bizneset e reja në tre muaj, nga 30 ditë që është në 90 ditë, për tu dhënë kohë bizneseve që të kenë më shumë kohë për të paguar taksat dhe tarifat lokale. Padyshim që edhe sasia dhe volumi i dokumentacionit që do të duhet mund të rishikohet dhe do ta diskutojmë sëbashku me zyrën e tatim-taksave.Drejtuesit e Bashkisë së kryeqytetit renditën disa nga objektivat kryesore të pushtetit vendor për ta shndërruar Tiranën në një qytet atraktiv për bizneset.
