Bankers Petroleum: Rënia e çmimit të naftës sfidë për kompaninë
Nga OraNews Përditësimi i fundit 5 Maj 2016, 17:36
Rrënia e çmimit të naftës në tregjet ndërkombëtare e ka bërë sfidues tremujorin e parë për kompaninë Bankers Petroleum. Por pavarësisht vështirësive Bankers ka shënuar disa arritje të rëndësishme financiare dhe operacionale gjatë tremujorit të parë të vitit 2016 midis të cilave vlerësohet edhe marrëveshja për shtijen e aksioneve kompanisë Geo-Jade Petroleum.Bankers Petroleum ka publikuar të dhënat operacionale të tremujorit të parë të viti 2016 edhe pse është vlerësuar si një periudhë sfiduese për kompaninë. Për tremujorin e pare të 2016, të ardhurat per kompaninë ishin 33 milionë dollarë në krahasim me 57 millionë dollarë që ishin në tremujorin e 4 të 2015 dhe 72 Millionë Dollarë në tremujorin e pare të 2015. Sipas presidentit dhe Shefit Ekzekutiv, David French kompania Bankers ka operuar në në tregje të paqëndrueshme dhe konkuruese të naftës së rëndë por pavarësisht kësaj është arritur të mbahet një biznes me bazë të fortë.Ndërkohë që vlëerësohet se blerja e propozuar nga Geo-Jade Petroleum sjell mundësinë që aksionerët të garantojnë vlerë në një nivel të rëndësishëm në kushtet e tregut aktual.Transaksioni pritet të mbyllet para 30 Qershorit 2016.Rënia e çmimit të hidrokarburve ka bërë që prodhimi edhe për muajt e ardhshëm të jetë i ulët pasi, kompania është e fokusuar në optimizimin e niveleve aktuale të prodhimit dhe është duke monitoruar kthimin ekonomik të të gjitha puseve në përputhje me mjedisin e tanishëm të çmimive të naftës.
