Credit Suisse dhe HSBC mohojnë përfshirjen në “Panama Paper’s”
Nga OraNews Përditësimi i fundit 5 Prill 2016, 13:55
Dy ndër kompanitë më të njohura financiare me bazë në Zvicër, “Credit Suisse” dhe “HSBC” kanë mohuar kategorikisht aludimet se ndihmonin klientët e tyre në mashtrimin fiskal, duke përdorur struktura të krijuara në Panama.Deklaratat vinë një ditë pasi u zbuluan dokumenta që dëshmonin përfshirjen e bankave ndërkombëtare në shfrytëzimin e strukturave të tilla për llogari të klientëve të tyre dhe që i dha zanafillën hetimeve në disa vende.Drejtori Ekzekutiv i “Credit Suisse”, Tidjane Thiam, deklaroi se banka e tij është plotësisht në përputhje me ligjin.Ndërkohë që kreu i kompanisë ndërkombëtare të investimeve "Henderson" analizoi situatën, duke theksuar se nuk ka asnjë fakt që vërteton lidhjen e "Credit Suisse" dhe "HSBC" me skandalin në fjalë."Për momentin nuk ka prova që dokumentojnë lidhjen e “Credit Suisse” dhe “HSBC” me veprimet e paligjshme në Panama, por sigurisht situata e krijuar do të ndikojë në reputacionin e tyre. Në lidhje me dosjet e Panamasë mendoj që është një çështje e cila duhet të përfshijë autoritetet shtetërore, pasi autoritetet që kontrollojnë taksat e kanë të vështirë të veprojnë ndërkombëtarisht"- u shpreh kreu i kompanisë "Henderson".“Credit Suisse” në vitin 2013 pranoi ti paguante qeverisë amerikane një gjobë prej 2.5 miliard dollarësh, pasi ndihmonte miliarderët amerikanë të shmangnin taksat, gjithashtu edhe “HSBC” në vitin 2012 i pagoi SHBA 1.9 miliardë dollarë pasi kishte lejuar pastrimin e parave të bosëve meksikanë të drogës.
