Përmbytet anija me 600 emigrantë në bord, 400 shpëtohen, 25 gjenden të pajetë
Nga OraNews Përditësimi i fundit 5 Gusht 2015, 16:49
Një anije me rreth 600 emigrantë në bord është përmbysur në afërsi të brigjeve libiane.Ngarja ndodhi në momentin kur refugjatët në bord kanë parë të afrohen ekipet e shpëtimit dhe kanë nisur të reagojnë, gjë e cila ka prishur ekuilibrin e anijes së mbushur me njerëz përtej kapacitetit.Deri tani janë gjetur 25 trupa të pajetë, teksa autoritetet i tremben një numri shumë më të lartë. Ndërkohë është bërë i mundur shpëtimi i 400 personave në tragjedinë që ndodhi 22 milje larg Libisë.Drejtuesit e peshkarexhës që po transportonin emigranët kishin dhënë alarmin për ndihmë tek roja bregdetare e Romës dhe Katanias.Në vendin e ngjarjes arritën menjëherë dy ekipe shpëtimi nga Italia dhe një anije nga marina ushtarake irlandeze.Kjo e fundit arriti e para në zonë, por kur i kishte mbetur edhe një milje për të arritur, barka me emigrantë u fundos.Kriza e emigrantëve në Mesdhe sa vjen dhe përkeqësohet çdo ditë, ku sipas raportit të publikuar nga Organizata e Kombeve të Bashkuara vetëm gjatë këtij viti mbi 2 mijë persona kanë humbur në tentativë për të arritur në portat e Perëndimit.
