FOTO nga përmbytjet në fshatin Shipkovicë, ku gjetën vdekjen 3 persona
Nga OraNews Përditësimi i fundit 4 Gusht 2015, 12:42
Fshati Shipkovica është një nga fshatrat më të prekura nga stuhia dhe përmbytjet që përfshinë mbrëmjen e 3 gushtit gjithë rajonin e Tetovës.Madje 3 prej viktimave, një burrë I moshuar dhe dy fëmijë kanë qenë banorë të këtij fshati. Dje mbetën të lënduar edhe 11 persona, shumica e tyre prej Shipkovice, Sellcë, Xhepçisht, dhe Reçicë e Vogël.Stuhia, ndër të tjera, ka shkaktuar edhe daljen e lumenjeve nga shtrati në malin Sharr, duke shkaktuar ndalimin e trafikit, si dhe duke shkaktuar dëme të konsiderueshme materiale në shumë ndërtesa, oborre dhe makina.
