Ngrohja globale, Obama propozon sot masa të reja drastike
Nga OraNews Përditësimi i fundit 3 Gusht 2015, 10:20
Klima po ndryshon duke kërcënuar ekonominë, sigurinë dhe shëndetin- me këto fjalë presidenti amerikan Barak Obama përmes një video-mesazhi i është rikthyer kësaj teme të nxehtë përpara se të bëjë publike gjatë ditës së sotme rregullat e reja që synojnë të pakësojnë ndotjet që vijnë nga centralet e qymyrit për prodhim të energjisë elektrike.Obama tha se rreziku që vjen nga Klima nuk është opinion por një fakt që gjen mbështetje nga të dhëna të grumbulluara gjatë dekadave me radhë dhe një konsensusi shkencor.Presidenti amerikan ka planifikuar të vendosë shkurtime më drastike nga sa pritej të emetimeve të gazrave nga termocentralet në SHBA- kjo bëhet e ditur nga zyrtarë të Shtëpisë së Bardhë, por dekreti pritet të shpallet gjatë ditës së sotme. Për Barak Obamën ky do të jetë hapi më i rëndësishëm që SHBA kanë ndërmarrë ndonjëherë për të luftuar ngrohjen globale."Ndryshimet klimatike nuk do të jenë problem për një tjetër gjeneratë -Jo më"- thotë Obama në video-mesazhin e tij.Në propozimin e tij fillestar, Obama kishte kërkuar një shkurtim prej 30% të emetimeve të dioksidit të karbonit në mbarë vendin deri në vitin 2030, krahasuar me nivelet e vitit 2005.Megjithatë, pas konsultave me grupet ambientaliste dhe me industrinë energjetike, mësohet se Obama do të kërkojë një shkurtim prej 32% të emetimeve të dioksidit të karbonit në mbarë vendin deri në vitin 2030 dhe jo 30 % sic ishte parashikuar fillimisht.Kundërshtarët e tij politik thonë se do ti drejtohen menjëherë gjykatës për këtë projektligj./Oranews.tv/
