SHBA, Zion, 8 vjeçari i parë që iu nënshtrua transplantit të të dy duarve
Nga OraNews Përditësimi i fundit 29 Korrik 2015, 12:28
Mjekët e spitalit të fëmijëve në Filadelfia të Shteteve të Bashkuara kanë realizuar për herë të parë në histori një operacion të jashtëzakonshëm, falë të cilit një 8-vjeçar ka rifituar të dy duart.Vogëlushi Zajon Harvei, i cili i kishte humbur të dy duart dhe këmbët për shkak të një infeksioni kur ishte vetëm dy vjeç, tani do të ketë mundësi të përdorë duart për herë të parë.Kirurgu Ckot Levajn, i cili kryesoi skuadrën prej 40 anëtarësh që kryen me suskes operacionin, tha që kjo arritje është vetëm hapi i parë për atë që mund të arrijë mjeksia moderne në transplantin e gjymtyrëve për fëmijë. Edhe pse transplantet e gjymtyrëve te të rritur janë realizuar për herë të parë në Francë në vitin 1998, dhe në SHBA një vit më vonë, te fëmijët procedura ishte shumë më e ndërlikuar, çka ka shtyrë edhe operacionin e parë tek ata me mbi 15 vjet.8-vjeçari Zajon tha para gazetarëve, se duart ishin një ëndërr që bëhej realitet, pasi gjithçka që kishte dashur të bënte, ishte të luante me top… Megjithatë ai pranon që edhe nëse nuk do të kishte pasur sukses operacioni, ai nuk do të ishte mërzitur."Nuk do të kishte pasur shumë rëndësi për mua, sepse kam familjen, kushërinjtë dhe gjyshërit që më mbështesin. Kështu që nëse gjërat nuk do të shkonin mirë, do të më ndihmonin ata", thotë ai.Ai ishte një ndër kandidatët e shumë për operacionin eksperimental, por sipas mjekëve ishte më i favorshmi për shkak se kishte kryer më parë një transplant veshke dhe merrte mjekime në mënyrë që trupi t'ia pranonte atë.Edhe mamaja e tij thotë me bindje që rreziku ia vlente të ndërmerrej."Vendimin përfundimtar e mori vetë ai. Unë u takova me mjekët dhe mora informacion për ndërlikimet që mund të dilnin, të cilat nuk ishin shumë. Kështu që vendosa të pranoj, sigurisht nëse djali do të ishte dakord", thotë ajo.
