Rama: Politikë e re qeverisëse e barazisë gjinore
Nga OraNews Përditësimi i fundit 8 Mars 2013, 11:04
“Në mes të dy grave më të rëndesishme të jetës sime dua t’u uroj megjithë zemër gëzuar 8 Marsin të gjitha nënave, grave e vajzave të këtij vendi, ku sot më shumë se asnjëherë në gjithë këto vite lirie mbetet e hapur sfida e barazisë mes gruas e burrit”.Kështu e ka nisur urimin e tij kreu i PS-së, Edi Rama urimin e tij në FB të cilin e ka shoqëruar me një foto me nënën e tij dhe bashkëshorten.Ja mesazhi i kryesocialistitSfida e krijimit të mundësisë së vajzave të vogla në zonat e vështira për të ndjekur shkollën njësoj si djemtë. Sfida e lehtësimit të barrëlindjes për nënat e pasiguruara ngase të papuna dhe e uljes së papunesisë femërore në tërësi. Sfida e trajtimit josdiskriminues të vajzave e grave kur konkurojnë me djem e me burra për një vend pune.Sfida e rritjes së pjesëmarrjes së grave në jetën publike dhe e zgjerimit të kuotës së tyre të përfaqësimit në këshilla vendore apo parlament. Dhe padyshim, sfida alarmante e ditëve të sotme përballë dhunës e krimit në familje që rëndon egërsisht mbi vajzat e gratë. 27 gra të vrara në vetëm vitin e 100 vjetorit të pavarësisë janë një këmbanë buçitëse për shoqërinë dhe për ne, socialistët e progresistët shqiptarë në radhë të parë.Do të ndërmarrim një politikë të re qeverisëse të barazisë gjinore e të shanseve të barabarta me votën e 23 qershorit për të rilindur Shqipërinë dhe do të hedhim hapa shumë domethënës në këtë drejtim.Falë edhe një grupi të fortë grash e vajzash që do të jenë pjesë e skuadrës sonë kombëtare për një Rilindje Shqiptare dhe do të luajnë rol kyç në qeverisjen tonë. GEZUAR!
