Qëndra për Drejtësi dhe Solidaritet takime me shoqërinë civile
Nga OraNews Përditësimi i fundit 7 Mars 2013, 20:28
Qëndra e përbashkët mediatike dhe juridike e emëruar "Qëndra për Drejtësi dhe Solidaritet ", pranë strukturave të Partisë Lëvizja Shqipëria e Re, është kthyer në një përthithëse e ideve dhe propozimeve nga përfaqësues të shoqërisë civile, grupe interesi dhe qytetarë në nevojë.Nëpërmjet takimeve, kjo qëndër në bashkëpunim edhe me shoqata të shumta, ofron ndihmë juridike për njerëzit në nevojë dhe trajton probleme të ndryshme që u përkasin një sërë grupeve.Në tryezën me shoqatën e të pastrehëve në Durrës, Gjikë Pastërma tha se " mbi 100 familje durrsake jetojnë në apartamente të ndërtuara me kontribut vullnetar, por mbi truallin e pronarit", ai gjithashtu solli në vëmendje një ligj se kur një investim është 50% me 50%, në këtë rast pronari dhe shteti janë bashkëpronarë. Ndërsa koordinatori i QDS Ilia , konfirmoi se janë për harmonizimin e dy të drejtave themelore : Të drejtës së pronës dhe të drejtës për të patur një strehë.
