Policia e Vlorës arreston katër persona të shumë kërkuar
Nga OraNews Përditësimi i fundit 2 Mars 2013, 13:15
Sipas një njoftimi për shtyp të Drejtorisë së Policisë së Qarkut Vlorë, bëhet me dije se janë arrestuar katër persona shumë të kërkuar. Njoftimi vijon si më poshtë:Në kuadër të planit të masave të hartuar nga Drejtoria e Policisë së Qarkut Vlorë, sot në orët e para të mëngjesit nga ana e strukturave të Drejtorisë së Policisë së Qarkut Vlorë, janë kontrolluar 22 banesa të personave të kërkuar .Në kuadër të këtij plani masash u finalizua me sukses operacioni i koduar “ZODIAK”, që çoi në kapjen e shtetasve :Ardian Gockaj 42 vjeç, lindur dhe banues në Vlorë, i dënuar më parë me 10 vite e 6 muaj burg, për kryerjen e veprës penale të ''trafikut të narkotikëve'' të kryer në bashkëpunim. Gjatë momentit të arrestimit, këtij shtetasi i është kapur dhe një armë zjarri pistoletë me 6 fishekë e cila është sekuestruar në cilësinë e provës materiale.Sokol Hodaj 26 vjeç, lindur dhe banues Vlorë, i padënuar më parë. Ndalimi i këtij shtetasi u bë si i dyshuar për kryerjen e veprës penale të "prodhimit dhe shitjes së narkotikëve".U arrestua personi i 9-të i shpallur në kërkim në kuadër të operacionit "SFIDA 4", të realizuar disa ditë më parë për një grup kriminal që kryente vjedhje me armë me dhunë dhe vjedhje të tjera, i cili është shtetasi Emiljano Sulejman Aliaj, vjeç 22, banues në fshatin Risili Vlorë, ku ndër të tjera ka vjedhur edhe kompjuterat e shkollës Risili.
