Mediat greke: Shqipëria ka pranuar marrëveshjen detare
Nga OraNews Përditësimi i fundit 26 Shkurt 2013, 17:43
Shqipëria ka pranuar marrëveshjen detare të nënshkruar me Greqinë gjatë vitit 2009.Kështu shkruajnë mediat greke që citojnë burime brenda qeverisë të kryeministrit, Antonis Samaras.Sipas tyre nënshkrimi i marrëveshjes së për tubacionin Trans-Adriatik Pipeline (TAP), i nënshkruar në Athinë, ishte në këmbim për pranimin e marrëveshjes Berisha-Karamalis nga Tirana zyrtare , marrëveshjen për Zona Ekskluzive Ekonomike mes të dy vendeve.Nëse ky informacion do të konfirmohet zyrtarisht, shkruajnë mediat greke, ky do të jetë një sukses i madh nga pala greke, e cila duket se ka mësuar se politika ndërkombëtare është të japim dhe të marrim."Prania e kryeministrit grek, Antonis Samaras, në ceremoninë e nënshkrimit të një kontrate nuk është hapi i fundit për përfundimin e këtij projekti, por është tregues i rëndësisë së projektit.Mediat greke kujtojnë se për zbatimin e projektit TAP, vendos Azerbajxhani, e ndërsa theksojnë edhe konkurencën e Nabuco West.“Përtej çështjes së lojës politike në vend për të treguar se si qeveria zbaton projektet e zhvillimit dhe për të promovuar një strategji që sjell rezultate, mesazhi esencial mesazh i pjesëmarjes së Samaras në këtrë ceremoni lidhet me Shqipërinë”, shkruajnë mediat greke, pikërisht për përcaktimin e zonave ekskluzive ekonomike me Greqinë.
