Tek Teuta besojnë: Mundim Vllazninë dhe jemi në vend të tretë
Nga OraNews Përditësimi i fundit 9 Maj 2014, 17:19
Teuta po përgatitet intensivisht për përballjen më të rëndësishme të sezonit kundër Vllaznisë dhe në kampin durrsak besojnë tek suksesi në Shkodër. Drejtuesit durrsakë kërkojnë impenjim maksimal nga e gjithë skuadra, si dhe mbështetje nga tifozëria durrsake.Bëhet fjalë për arritjen e objektivit i cili është pjesmarrja në Kupat e Europës, dhe motivim më të madh nuk mund të ketë për skuadrën e Teutës. "E kemi vetë në dorë fatin tonë dhe duhet me patjetër fitore në Shkodër. Ndaj Vllaznisë kërkohet mbi 100%, prandaj të sakrifikojmë për të mirën e skuadrës.” -deklaroi kapiteni Rizvani.Pritet që Teuta të ketë në dispozicion thuajse të gjithë lojtarët. Mungesa e vetme për “djemtë e detit” do të jetë ajo e mbrojtësit Osmani.
