Roma - Pjaniç, gati rinovimi
Nga OraNews Përditësimi i fundit 8 Maj 2014, 15:15
Ende nuk ka ardhur firma zyrtare mes mesfushorit bosnjak, Miralem Pjaniç dhe ekipit të Romës. Pjaniç ka qenë një nga futbollistët më të rëndësishëm të ekipit kryeqytetas këto dy vitet e fundit dhe drejtuesit kanë besim tek ai lojtar duke e parë si një futbollist ku mund të mbështeten për të ardhmen.Roma është gati t'i ofrojë boshnjakut një kontratë 5 vjeçare e cila do ta mbante mesfushorin në Romë deri në vitin 2019. Trajneri Rudi Garcia është ai që ka shprehur hapur dëshirën që Pjaniç të qëndrojë.Duket se edhe vetë dëshira e futbollistit është të qëndrojë në Romë. Pavarësisht ofertave nga klube të mëdha si Barcelona dhe Manchester United, Pjaniç duket se është i kënaqur të vazhdojë të mbetet pjesë e Romës edhe për disa vite të tjera. Shumë shpejt mund të vijë dhe firma mbi kontratë.
