Largohet Sampaio, Genci Tomori në krye të Partizanit
Nga OraNews Përditësimi i fundit 6 Maj 2014, 16:32
Tekniku portugez i cili kërkoi largimin nga Partizani pas humbjes së fundit në kampionat përballë Skënderbeut, duket se tashmë zyrtarizoi dhe shkëputjen e kontratës me Partizanin . Presidenti Gaz Demi e ka pranuar ditën e sotme dorëheqjen e trajnerit.
Njëkohësisht, kreu i klubit të kuq ka vënë në krye, Genci Tomorin si drejtues të skuadrës që në ndeshjen e fundit të kampionatit, të cilën do ta luajë të shtunën në Lushnjë. Në fakt Sampaio u afrua në klubin e kuq si përgatitës atletik, çka ishte edhe specialiteti i tij profesional, por shpejt u gjend në rolin e trajnerit pas shkarkimit të Hasan Likës. Shpesh herë, Sampaio ka patur përplase me futbollistët të cilët e kanë akuzuar si kopjues të Mourinhos.
Trajneri është larguar nga klubi mesditën e sotme duke thënë këto fjalë:"Faleminderit Partizani! Faleminderit Shqipëri! Faleminderit të gjithëve! Kurrë nuk do t’ju harroj! Një ditë mund të rikthehem! Me respekt Marcio Sampaio”
Gazetar: Elidor Salikaj
