Të paktën 11 viktima dhe 20 të pl*gosur pas zjarrit në një jetimore në Algjeri
Nga OraNews Përditësimi i fundit 16 Korrik 2026, 16:42
Të paktën 11 persona kanë humbur jetën dhe 20 të tjerë janë plagosur nga një zjarr që shpërtheu në një jetimore në lindje të kryeqytetit algjerian, Algjer, njoftoi sot një zyrtar i shërbimit të mbrojtjes civile.
Zjarri shpërtheu në orët e para të mëngjesit në një jetimore në zonën Mohammadia të Algjerit.
“Ekipet e zjarrfikësve kanë vijuar përpjekjet për shuarjen e flakëve”, tha Karim Ben Fahsi, zëdhënësi i Shërbimit Algjerian të Mbrojtjes Civile.
Shkaku i zjarrit ende nuk është bërë i ditur. Më herët, Shërbimi i Mbrojtjes Civile njoftoi se ekipet e shpëtimit kishin evakuuar pesë persona me nevoja të veçanta nga godina dhe i kishin dërguar në një vend të sigurt.
