Ushqimi i thjeshtë që po mban në formë yjet e Hollywood-it dhe nuk është ai që mendoni
Nga OraNews Përditësimi i fundit 11 Maj 2026, 19:32
Bollguri konsiderohet nga nutricionistët si një nga zgjedhjet më të shëndetshme për mëngjes, falë përmbajtjes së lartë të fibrave dhe ndikimit pozitiv në organizëm.
Ai ndihmon në uljen e kolesterolit, stabilizon nivelin e sheqerit në gjak dhe jep ndjesi ngopjeje për një kohë më të gjatë, duke ndikuar që gjatë ditës të konsumohet më pak ushqim.
Për këtë arsye, është pjesë e dietës së shumë personazheve të njohur. Disa prej tyre preferojnë tërshërën e kombinuar me qumësht, fruta apo rrush të thatë si një mëngjes të lehtë dhe të shëndetshëm.
Nutricionistët shpjegojnë se tërshëra është një burim i mirë energjie dhe ndihmon gjithashtu në kontrollin e peshës trupore.
Ajo përmban vlera ushqyese që mbështesin shëndetin e zemrës dhe ndihmojnë në mbajtjen e një diete të balancuar.
Sipas specialistëve të ushqyerjes, konsumimi i rregullt i bollgurit mund të ketë ndikim pozitiv edhe në shëndetin e përgjithshëm, duke e bërë atë një nga mëngjeset më të rekomanduara.
