FOTO/ Përplasje mes Mateos dhe çiftit Selin-Gimbo, merr fund miqësia mes tyre. Ja çfarë ka nxitur dyshimet

Nga OraNews Përditësimi i fundit 10 Maj 2026, 15:28

Tre nga personazhet më të komentuar të edicionit të pestë të “Big Brother VIP Albania”, Selin, Mateo dhe Gimbo, duket se i kanë dhënë fund miqësisë së tyre.

Ndonëse brenda shtëpisë së famshme ata nisën dhe krijuan një shoqëri shumë të mirë me njëri-tjetrin, gjithçka ka marrë një kthesë të papritur javë pas përfundimit të rrugëtimit të tyre televiziv.

Prishjen e këtij raporti e dëshmojnë më së miri veprimet e tyre të fundit në rrjetet sociale, të cilat kanë habitur jo pak fansat.

Fillimisht, ka qenë fituesja e këtij edicioni, Selin, ajo që ndërmori hapin e parë duke e hequr Mateon nga lista e ndjekësve në Instagram.

Pak më vonë, të njëjtin veprim e ka ndjekur edhe partneri i saj, Gimbo. Pas këtyre lëvizjeve, përgjigjja e Mateos ka qenë e menjëhershme dhe reciproke, duke i bërë “unfollow” të dyve.

Ndonëse nuk dihet me saktësi se çfarë ka ndodhur prapa kuintave për të çuar në këtë vendim, zanafilla e hatërmbetjes nisi publikisht gjatë puntatave të “Post BBVA”.

Gjatë emisionit, Mateo deklaroi hapur se, sipas tij, Selin nuk e meritonte fitoren pasi nuk kishte bërë lojë fituesi. Kjo deklaratë shkaktoi zhgënjim te Selin, e cila u shpreh mjaft e prekur, duke theksuar se nuk do ta priste kurrë një koment të tillë nga ai.