ALVAREZ TE BARCELONA? Blaugranët kërkojnë një pause të Lewandowskit, por duhet bindur Atletiko

Nga OraNews Përditësimi i fundit 29 Prill 2026, 14:02

E ardhmja e Julian Alvarez po dominon titujt kryesorë aktualisht, me Barcelonën si një nga disa klube të etura për sulmuesin e Atleticos. Diego Simeone ka thënë se Barcelona, ​​Paris Saint-Germain dhe Arsenal janë të gjitha të interesuara për lojtarin e kombëtares argjentinase, mes zërave se ai mund të largohet nga kryeqyteti spanjoll këtë verë.

Barcelona ka bërë hapin e parë drejt nënshkrimit të sulmuesit të Atletico Madridit, Julian Alvarez.

Sipas një raporti të fundit, Blaugranët kanë filluar kontaktin me Atleticon për të mësuar qëndrimin e tyre mbi transferimin e mundshëm të Alvarez këtë verë.

26-vjeçari ka qenë mbresëlënës për skuadrën e Diego Simeones që kur u bashkua nga Manchester City në vitin 2024 për një shumë prej 95 milionë euro.

Ai shënoi 29 gola në sezonin e tij debutues dhe gjithashtu ka pasur një sezon të shkëlqyer në sezonin 2025-26.

Argjentinasi është paraqitur në 47 ndeshje në të gjitha garat, duke shënuar 19 gola dhe duke dhënë nëntë asiste.

Barcelona është e impresionuar nga paraqitjet e Alvarez dhe po synon një transferim gjatë verës.

Ndërkohë lojtari ka një kontratë me Atletikon që e mban të lidhur deri në vitin 2030, dhe madje do ishin të gatshëm ta shtynin deri në vitit 2032 vetëm për të shmangur lëvizjen.

Barca aktualisht po vepron jashtë rregullave të fair-play-t financiar të La Ligës, dhe për këtë arsye nuk do të jetë në gjendje të shpenzojë shumë në afatin e ardhshëm të transferimeve.

Por gjigantët spanjollë shpresojnë të lëvizin brenda rregulloreve të ligës dhe gjithashtu besojnë se gatishmëria e Alvarez për t'u transferuar mund të luajë një rol të rëndësishëm në një marrëveshje të mundshme.

Barcelona po kërkon të nënshkruajë një zëvendësues për Robert Lewandowski, i cili mund të largohet në fund të kontratës së tij këtë verë .

Klubi ka edhe Ferran Torres, por 26-vjeçari nuk është një sulmues i lindur dhe kontrata e tij do të skadojë në qershor të vitit 2027.