Schalke do Shaqirin, Bayern thotë "Jo"
Nga OraNews Përditësimi i fundit 4 Gusht 2013, 11:28
Xherdan Shaqiri te Schalke 04? "Minatorët" shprehin hapur interesin për mesfushorin nga Gjilani, i cili nuk po gjen hapësirat e nevojshme në radhët e kampionëve të Europës. Ndeshja titullar në Superkupën e Gjermanisë dhe aktivizimet nga stoli gjatë turneut "Audi Cup" nuk lanë shenjë për ish lojtarin e Baselit që duket përherë e më larg Bavarisë.Në një intervistë dhënë për të përditshmen "Bild", drejtori i përgjithshëm i Schalkes, Horst Heldt konfirmon interesin për 21-vjeçarin me pasaportë zviceriane, duke theksuar se klubi nga Genselkirchen ka tentuar të kontaktojë me drejtuesit bavarezë, por shton se Sammer e cilëson të pashitshëm.Heldt zbulon se gjatë bisedës me Drejtorin Sportiv të Bayernit, ky i fundit nuk pranoi që të diskutohej për lojtarin e kombëtares helvete, duke i mbyllur derën çdo oferte të mundshme.Shaqiri u transferua te Bayern Munchen një vit më parë. Me fanelën e skuadrës gjermane ai numëron 25 ndeshje dhe 7 gola, por konkurrenca edhe më e madhe këtë sezon mund t’ia bëjë më të vështirë misionin për një vend titullari.
