Fund më i afërt për universin? Studimi i ri trondit parashikimet
Nga OraNews Përditësimi i fundit 14 Prill 2026, 12:29
Një studim i ri në fushën e kozmologjisë ka sjellë një vlerësim të ri për fundin e universit, duke sugjeruar se ai mund të ndodhë shumë më herët nga sa mendohej deri tani.
Kërkimi, i publikuar në revistën Journal of Cosmology and Astroparticle Physics nga një ekip i Radboud University, parashikon që universi mund të “shuhet” pas rreth 10⁷⁸ vitesh.
Më parë, shkencëtarët flisnin për një afat shumë më të gjatë, rreth 10¹¹⁰⁰ vite.
Edhe pse ky ndryshim është i madh në teori, bëhet fjalë për periudha kohe të paimagjinueshme për njerëzit, duke pasur parasysh se universi aktualisht është rreth 13.8 miliardë vjeç.
Studimi mbështetet te ideja e Hawking radiation, e propozuar nga fizikani Stephen Hawking, sipas së cilës vrimat e zeza humbasin gradualisht masë dhe “avullohen” me kalimin e kohës.
Sipas studiuesve, ky proces mund të mos ndodhë vetëm te vrimat e zeza, por edhe te objekte të tjera kozmike. Një shembull janë yjet xhuxh të bardhë, që janë mbetjet e yjeve si Dielli. Sipas modelit, edhe këto objekte mund të zhduken pas një kohe shumë të gjatë.
Duke qenë se shumica e yjeve në galaktikën tonë pritet të përfundojnë si xhuxhë të bardhë, kjo fazë do të përbëjë një pjesë të madhe të evolucionit të ardhshëm të universit.
Edhe pse parashikimi i ri e vendos fundin e universit më “afër” krahasuar me teoritë e mëparshme, ai mbetet në një të ardhme kaq të largët sa nuk ka ndikim praktik për njerëzimin.
