Pas arrestimit për drejtim në gjendje të dehur, Britney Spears përfundon në rehabilitim

Nga OraNews Përditësimi i fundit 13 Prill 2026, 08:19

Pas arrestimit për drejtim në gjendje të dehur, Britney Spears
Britney Spears është shtruar në një qendër rehabilitimi pas një incidenti me drejtimin e automjetit në gjendje të dehur në Kaliforni.

Përfaqësues të saj bëjnë me dije se ajo ka hyrë vetë në trajtim, duke kërkuar të përmirësojë situatën e saj pas arrestimit. Që nga ajo kohë, ajo ka qëndruar esëll dhe ka marrë pjesë në takime të Alcoholics Anonymous.

Ngjarja ndodhi më 5 mars, kur policia e ndaloi gjatë natës pranë banesës së saj. Sipas raportimeve, makina po lëvizte në mënyrë të çrregullt dhe me shpejtësi. Pas disa orësh, ajo u lirua.

Pas incidentit, nga ana e stafit të saj u tha se bëhej fjalë për një situatë serioze dhe se ajo do të ndërmarrë hapat e nevojshëm për të respektuar ligjin. Gjithashtu, familjarët po e mbështesin gjatë kësaj periudhe.

Spears pritet të dalë para gjykatës më 4 maj. Ndërkohë, raportohet se marrëdhënia me djemtë e saj, Preston dhe Jayden, është përmirësuar kohët e fundit.

Këngëtarja ka kaluar vite të vështira, përfshirë edhe periudhën e gjatë të kujdestarisë që përfundoi në vitin 2021. Ky zhvillim shihet si një përpjekje për të vendosur më shumë stabilitet në jetën e saj.