Steve Nash viziton Interin
Nga OraNews Përditësimi i fundit 2 Gusht 2013, 11:44
Në kampin stërvitor të New Jersey ku ndodhet për turneun "Guinness International Champions Cup", Interi priti një vizitor të veçantë. Bëhet fjalë për basketbollistin kanadez të NBA, Steve Nash, i cili u stërvit me lojtarët e drejtuar nga Valter Mazzarri. Organizatori i Los Angeles Lakers, njëkohësisht edhe një tifoz i skuadrës zikaltër, nuk i shpëtoi syrit të trajnerit italian, i cili e këshilloi disa herë për lëvizjet e tij në tapetin e gjelbër.Kanadezi u shpreh se ndihej i lumtur si fëmijë në ditën e krishlindjeve. Ai u shpreh se ka një pasion të vaçant për futbollin dhe stërvitja me Interin ishte një ëndërr. Steve Nash luajti për disa minuta me argjentinasin Cambiaso duke u argëtuar.Në vijim ai bën një krahasim mes lojës së basketbollit ku është një lider në parket dhe futbollit që do të mbetet pasioni i tij. Sipas tij kur luan basketboll shpesh herë ndjehet edhe nervoz ndërsa kur luan futbollin është diçka e paharrueshme veçanërisht kur ka lidhje me Interin.39-vjeçari i lindur në Johanesburg, e nisi karrierën në basketboll që në moshën 12-vjeçare pas eksperiencave të dështuara në hockey dhe futboll. Edhe pse në nivele amatore, ish lojtari më i mirë i sezonit 2004-2005 në NBA, ka marrë pjesë në disa ndeshje bamirësie.
